Opne portar: bilde blir til ord, ord blir til bilde (Bente Bratlund): -Diktbok- “Å FØLGJA EIN DRAUM: For over førti år sidan gjekk vi i same klasse på Os Gymnas. Bente skreiv dikt, Anni teikna og måla. Vi delte med kvarandre det vi skapte, vi heia på kvarandre, og vi drøymde. Endeleg fann vi at tida var der til å gjera noko saman. Bente har over 60 bøker bak seg i ulike genrar, Anni har dei siste åra meir og meir satsa på målinga. No lar vi draumen bli realitet, vi lagar bok saman. Og for ei glede vi har hatt i prosessen. Bilde er blitt til ord og ord er blitt til bilde. Gjensidig har vi inspirert kvarandre. Opne portar er blitt temaet vårt. Livet rører ved oss på ulike måtar, det byr på både godt og vondt. Vi går for dei opne portane, for det som alltid kan vera der og venta på oss like framom.”
