Lys i fjøset, liv på låven (Kolbein Dahle): Verdiskaping i ledige landbruksbygg i Nord-Trøndelag. Hausten 2011 vart Kolbein Dahle spurd om han kunne tenkje seg å lage ein rapport om “Verdiskaping i ledige landbruksbygg i Nord-Trøndelag”. Bokideen hadde alt fått arbeidstittelen “Lys i fjøset”. Det har vist seg at kreativiteten i ledige landbruksbygningar omfatta langt meir enn fjøs og låvar - også folk, dyr og andre hus må reknast med. Boka skal vere ei inspirasjonskjelde for dei som har ledige bygg og fantasifulle idear, men også for alle dei som leitar etter nye besøksmål i eit flott fylke. Kolbein Dahle er etnolog med byggeskikk og landbruk som særlege interessefelt. Sidan han slutta som fylkeskonservator i Nord-Trøndelag, har han arbeidd med desse emna og publisert artiklar og bøker.
