Utsikt: dikt og bilete frå travle dagar (Grethe Kjøsnes): Å setja ord på kjensler er ikkje lett. Denne diktsamlinga byr på eit knippe dikt og forteljingar frå forfattarens lange liv, gjennom gode og vonde tider. Dikta handlar om kjærleik, sorg, lukke, håp, forventing og sinne, og om å få lov til å vera den ein er og kjenna seg god nok. Dei handlar om å vera utanfor dei fastlagde rammene i samfunnet, om aldri å gje opp, og om å finna fram til sine eigne ressursar og bruka dei. Forfattaren håpar at lesaren vil kjenna seg att i dikta, og at dei vil vera til hjelp når kjensler på godt og vondt skal finna ord. Boka er illustrert med forfattarens eige maleri, teikningar og fotografi. Dikt og illustrasjonar går hand i hand, og har det same symbolske bildespråket.
